Author: dino

Селекторот на одбојкарите на Франција, Андреа Џани, вели дека е задоволен од пласманот во полу-финалето на Европското првенство што се организира во Италија, Бугарија, Македонија и Израел. Во последниот натпревар на турнирот во Варна, олимписките шампиони ја победија Романија со убедливи 3:0  и сега го чекаат победникот од денешниот меч меѓу Италија и Холандија.   „Првиот сет беше интересен, вториот беше лесен а во третиот направивме многу грешки во почетокот. На крајот се корегиравме а Романците погрешија. Направивме неколку добри сервиси, неколку блокади и ја искористивме можноста да победиме со 3:0“ – изјави селекторот на „галските петли“.

Read More

Раководството на Манчестер Јунајтед ќе му понуди нов договор на 21-годишниот уругвајски крилен напаѓач, Факундо Пелистри. Фудбалерот има тековна соработка со „црвените ѓаволи“  до јуни во 2025 година а преговорите за продолжување на истата се започнати некаде во април годинава. Според англиските медиуми, Уругваецот поради многуте проблеми во составот би можел да го има првиот меч на домашен терен против Брајтон во петтото коло од Премиер лигата.

Read More

Селекторот на фудбалерите, Благоја Милевски, на денешната прес-конференција нагласи, дека ремито со Италија е заборавено и дека доаѓа нов предизвик во квалификациите за континеталниот собир. „ Малта покажа дека е квалитетен тим, компактен и организиран кој не намачи во Скопје. Не смееме да се опуштаме, мора максимално сериозно да пристапиме. Момците се свесни што значи натпреварот за да ја задржиме позитивната енергија и тимски дух кој не краси“ – рече Милевски. Мечот од новата рунда квалификации за ЕП ќе биде одигран утре од 20.45 часот на Националниот стадион во Малта.

Read More

Тренерот на фудбалерите на Ливерпул, Јирген Клоп, ќе го испочитува договорот со англискиот тим до 2026 година а дури потоа ќе размислува за селекторската позиција во Германија, наведуваат медиумите во Европа. Според „Дејли мејл“, менаџерот на „црвените“ не ја исклучува опцијата во иднина да ги води „панцирите“  но,  сега нема намера да прифати евентуална понуда од  Германскиот фудбалски сојуз. По отказот на Ханси Флик, поранешните светски шампиони се обидуваат експресно да пронајдат нов кормилар а во преден план е Нагелсман.

Read More

Фудбалерот на Јувентус, Пол Погба, објасни како парите можат да имаат штетен ефект откако неговиот повозрасен брат се обиде да изнуди 13 милиони од него по што беше уапсен од полицијата. „Парите ги менуваат луѓето. Тие можат да уништат семејство. Тие можат да доведат до војна. Понекогаш само би бил сам и би помислил: не сакам повеќе да имам пари. Не сакам повеќе да играм“ – рече Погба. „ Само сакам да бидам со нормални луѓе, за да ме сакаат каков што сум – не поради слава, не за пари. Понекогаш не е лесно“, изјави играчот од средниот ред на Јувентус. 

Read More

Арсенал сакал да го ангажира одбранбениот фудбалер на Спортинг, Осман Диоманде но, португалскиот тим во текот на летото ја одбил понудата на „топчиите“ во висина од 30 милиони евра. Екипата од Лисабон за 19-годишниот дефанзивец бара најмалку 80 милиони евра. Медиумите тврдат дека англискиот состав во текот на зимскиот преоден рок ќе направи нов обид да го ангажира интернационалецот од Брег Слонова Коска.

Read More

ЕХФ го суспендираше Драган Начевски на две години и го казни дополнително со 5000 евра поради прекршување на основните обврски во правилникот и во кодексот на однесувањето. Одлуката доаѓа откако ЕХФ доби информација од данската телевизија ТВ2 дека нашиот ракометен работник е вклучен во разговор со наводен кинески бизнисмен во кој беше допрена темата за „договарање“ на натпревари. Иако Начевски ја одби понудата, тој не го пријавил случајот до надлежните органи во ЕХФ. Начевски во рок од седум денови може да  поднесе жалба до Апелациониот суд на Европската ракометна федерација.

Read More

Селекцијата на Германија ја совлада Србија со 83:77 и го освои златниот медал на кошаркарскиот Мундијал. Играчот на ЛА Лејкерс, Денис Шрeдер, со 28 кошеви беше креатор на големата победа за „панцирите“. Го следеше Вагнер со 19 и Воигтман со 12.Во селекцијата на Србија се издвоија Алекса Аврамовиќ со 21 поен и Богдан Богдановиќ со 17. Претходно кошаркарите на Канада го освоија бронзениот медал откако ја совладаа селекцијата на САД со 127 спрема 118 во продолженија.

Read More

Селекторот на Германија, Ханси Флик, по вчерашниот пораз на пријателскиот меч со Јапонија во Дизелдорф, вели дека тој е вистинскиот човек за клупата на „панцирите“. „Мора да признаеме дека Јапонија е добар тим. Имавме многу индивидуални грешки а противникот тоа вешто го користеше. Заслужено победи“ –рече Флик. „Разбирам дека разочарувањето е големо но, мислам дека јас сум вистинскиот тренер за националниот состав“ – вели Флик. Германија наредниот меч ќе го одигра во вторник против Франција на стадионот во Дортмунд.

Read More

Кошаркарите на Канада го освоија бронзениот медал на Светското првенство откако ја совладаа селекцијата на САД со 127 спрема 118 во продолженија. Мечот во регуларниот дел заврши 111:111. Во победничкиот тим се издвои Дилон Брукс со 39 поени додека кај САД, Ентони Едвардс имаше 24 кошеви. Денеска од 14.40 часот ќе биде одиграно и големото финале во кое Србија ќе излезе на мегдан со Германија.  

Read More