Фудбалерот, Џејден Санчо, кој досега тренираше индивидуално, од вчера им се приклучи на соиграчите во Манчестер Јунајтед. 22-годишниот фудбалер по рехабилитацијата во Холандија на која го испрати менаџерот, Тен Хаг, сега се врати во Англија. Тој бил активен на вчерашниот тренинг. Санчо последниот меч го одигра изминатиот октомври против Челзи во рамките на 13. коло на Премиер лигата.
Author: dino
Тенисерот, Мекензи Мекдоналд (САД), направи огромна сензација на отвореното првенство на Австралија откако го совлада главниот фаворит за пехарот Рафаел Надал со убедливи 3-0 по сетови 6:4, 6:4, 7:5. Тоа е прв пат по 2016 година Шпанецот да биде елиминиран уште во второто коло на првиот сезонски Грен Слем турнир. Американецот, кој се наоѓа на 65-тото место на АТП листата не крие дека е презадоволен од победата. „Многу сум задоволен од начинот на кој го започнав мечот. Играв добро, одлично сервирав а моите враќања ми одеа добро. Навистина можев совршено да му се спротивставам” – прокоментира Американецот.
Нашите најдобри ракометари денеска против Аргентина ќе го одиграат решавачкиот меч за пласман во главната фаза на Светското првенство во Полска и Шведска. Двете земји досега загубија од Норвешка и Холандија а според гол-разликата, избраниците на Кире Лазаров мора да одат на победа додека „гаучосите“ ќе ја исполнат целта ако во најмала рака извлечат нерешено. Македонија против селекциите од Јужна Америка има 3 победи сите против Чиле и два пораза од Бразил. Мечот во Краков меѓу Македонија и Аргентина ќе започне од 18:00 часот во „Таурон Арена“. За деталите, слушајте на програмата на Спортско радио 90,3 ФМ.
Играчот на ПСЖ, Пабло Сарабија, ја прифатл понудата на Вулверхемптон и кариерата ќе ја продолжи во Премиер-лигата, тврдат медиумите во Англија. Информацијата на Твитер ја потврди и познатиот италијански спортски новинар, Фабрицио Романо. Тој напиша дека Сарабија заедно со Жоао Гомез, деновиве ќе бидат претставени како засилувања за клубот.
Кристијано Роналдо ќе го предвооди „Ол Стар“ тимот на Ријад составен од фудбалери на Ал Наср и Ал Хилал на пријателскиот меч против француски ПСЖ закажан на 19 јануари. Средбата ќе се одигра во рамките на турнејата на францускиот шампион во Катар и Саудиска Арабија. Португалецот официјално ќе дебитира за екипата од Саудиска Арабија на 22 јануари против Ал Итифак во рамките на домашниот шампионат.
Челниците на фудбалскиот состав Милан ќе се обидат да го купат голманот на второлигашот француски Сент Етјен – Ноа Ревир. „Росонерите“ имаат постојани проблеми со голманите: Мајк Меињан, Ципријан Татарушану и Антонио Миранте и затоа неодамна потпишаа договор со Колумбиецот, Дејвис Васкез. Тие сега се обидуваат да преговараат и за 17-годишниот играч чиј договор истекува на лето.
Голманот на Тотенхем, Уго Лорис, доби жестоки критики преку социјалните мрежи за големата грашка на дербито со Арсенал. На тоа реагираше легендарниот Дејвид Симан кој застане во одбрана на искусниот чувар на мрежата. „ Не треба да се заборави една значајна работа. Секој прави грешки но, тој останува брилијантен голман“ – вели Симан. „Верувам дека и во иднина ќе има добри одбрани“ – потенцираше Симан.
Новото засилување на фудбалскиот состав Манчестер Јунајтед, Вут Вегхорст, изјави дека очекува добри партии во продолжението од сезоната во Премиер-лигата. „Јас сум напаѓач кој сака да постигнува голови. Тимот игра одлично во последниов период“ – вели корпулентниот голгетер. „Знам дека можам да помогнам. Ќе дадам се од мене за да бидам уште подобар во Јунајтед“ – изјави Холанѓанецот кој е времено ангажиран од Бешикташ за обештетување од 2,5 милиони фунти.
Фабио Паратичи кој 11 години беше задолжен за трансфери во екипата на Јувентус пред да замине во Тотенхем, ја коментираше истрагата околу финансиските неправилности кај италијанскиот клуб. „Малку сум вознемирен и непријатно е да се зборува за тоа. Да бидам искрен, неколку работи не се сосема јасни и повеќе сакам да молчам“ – вели Паратичи. „Секој има верзија за тоа што се случило но, во моментов работите се прикажуваат еднострано“ – додаде Паратичи.
Колумбискиот напаѓач, Џон Дуран, ќе го напушти американскиот состав Чикаго и ќе се пресели во редовите на Астон Вила. Англискиот фудбалски состав ќе плати 22 милиони долари за потписот на 19-годишниот играч кој постигна осум гола во изминатата сезона во Мејџор Лигата. Трансферот на Дуран ќе се реализира откако ќе се исполнат условите за добивање на работна виза за Велика Британија.
