Author: dino

Поранешниот голман на селекцијата на Аргентина, Уго Гати, не верува дека „гаучосите“ ќе успеат да ја одбранат титулата на фудбалскиот Мундијало во 2026 година. „ Би сакал да грешам, но мислам дека тимот нема да се претстави добро на Светското првенство во 2026 година. Ќе остане без дел од играчите –  Ромеро и Отаменди“ – вели Гати. „Репрезентацијата на Аргентина имаше среќа на Светското првенство во 2022 година. Таа победи затоа што турнирот беше на нефудбалско место а сите имаа желба Меси да стане светски шампион“ – изјави поранешниот голман на Аргентина. 

Read More
NBA

Кошаркарот, Стив Кари, се осврна на зголемениот број на шутеви за тројка во НБА лигата и како тој влијае на таквиот развој на настаните. „Сега повеќето во лигата шутираат тројки… Лично, ми се допаѓа. Не мислам на бројките туку на убавината на играта, секој го прави тоа малку различно. Тоа е нешто ново“ – вели играчот.„Многу луѓе можеби имаат различни гледишта за тоа, но јас сакам да ја видам оваа еволуција. Ќе продолжам да шутирам тројки, не треба да се грижите за тоа“ – рече Кари.

Read More

Ракометарот, Дмитро Горига, и во иднина ќе го носи дресот на Вардар 1961. Левиот бек од Украина дојде во Скопје пред стартот на сезоната и досега остави одличен впечаток. „ Како клуб работиме на задржување на сите играчи за кои мислиме дека можат квалитетно да  помогнат“ -вели Андрија Нунев кој е оперативен директор на „црвено-црните“. „Во преговори сме со сите играчи кои можат да придонесат за силен Вардар, знаеме дека изборот ќе ни донесе успех во иднина“ -додаде Нунев.

Read More

Горан Пандев откако беше назначен за спортски директор на сите македонски фудбалски репрезентации, поднесе оставка од функцијата претседател на прволигашот Брера Струмица. „Од секогаш сум верувал дека македонскиот фудбал има огромен потенцијал, но за тоа е потребен сериозен и професионален пристап. Нашите репрезентации треба да бидат нашата гордост и светост а нивниот развој треба да се гради со континуитет“ – вели Пандев. „Убеден сум дека новото раководство ќе ја внесе потребната енергија и насока, за која ќе се гордееме сите како нација“ – изјави Пандев.

Read More

Претседателот на УЕФА, Александар Чеферин упати писмо со честитка за изборот на Масар Омерагиќ за нов претседател на Фудбалската федерација на Македонија.  -Ве молам прифатете ги моите искрени честитки за изборот за претседател на Фудбалската федерација на Македонија. Оваа година, 2024, се одбележуваат 30 години од членството на ФФМ во УЕФА а за тоа време вашата посветена Национална федерација сработи многу во градењето и развојот на фудбалот.  Масар, бидејќи одблизу го знаете притисокот од играњето и менаџирањето со фудбалот на највисоко ниво, верувам дека со сето срце ќе го прифатите потенцијалот на фудбалот во Македонија и ќе продолжите да ги бележите…

Read More

Град Скопје денеска ги прогласи најдобрите во областа на спортот за 2024 година. Во сениорска категорија, првата награда му припадна на Бобан Илиоски (Кик Бокс), втората на атлетичарот Дарио Ивановски а третата на шахистот Тони Лазов. Во категоријата најуспешни спортисти во младинска категорија, најдобар е Силвио Мировски (Кик Бокс), пред каратистот Стефан Стојановиќ и Витомир Трајковски. Признанието за најдобар тренер го доби Дејан Митровски од Кикбокс клубот „Шампион“ додека во категорија Лица со попреченост, наградата ја освои Стоилко Стоицев – Планинарски спорт за искачување на врвови над 6.000 метри. За категориите Најуспешен спортист-странец и Најдобра екипа, не беа доделени награди. На добитниците им беше доделена и парична награда со вкупен фонд од 150.000 денари, како признание за…

Read More

Македонската фудбалска репрезентација го задржа 67. место на најновата ранг-листа на ФИФА која не донесе поголеми промени бидејќи немаше репрезентативни активности. Ние годинава ќе ја завршиме со 1368,96 бодови, колку што имавме и на претходното рангирање.   Аргентина останува најдобра светска репрезентација пред Франција и Шпанија. Во топ 10 уште влегуваат и Англија, Бразил ,Португалија, Холандија, Белгија, Италија и Германија.

Read More

Ливерпул и Манчестер Сити го пикирале дефанзивецот на Фулам, Ентони Робинсон, објавија денеска медиумите во Англија. Фудбалскиот интернационалец го привлече вниманието на „црвените“ и „граѓаните“. Двата клуба сакаат да ја засилат страничната линија во дефанзивата.27-годишниот фудбалер има договор со лондончани до 2028 година. Досега има 167 натпревари, 3 гола и 18 асистенции.

Read More

Фудбалерот на Астон Вила, Џон Дуран, велгува во радарот на италијанскиот состав, Наполи, велат последните информации од Англија. Колумбиецот кој има само 21-година, го привлече вниманието на повеќе европски гиганти. Тој има има 11 гола во 24 натпревари за англискиот состав. Наводно, луѓето од Неапол ги оствариле првите контакти за евентуален трансфер во текот на летото.

Read More

Голманот на Пари Сен Жермен, Џанлуиџи Донарума, заработи потешка повреда на лицето на вчерашниот меч со Монако. Тој доби удар од Стефан Синго и мораше да биде заменет во 22. минута. Судијата Франсоа ле Тексие му прогледа низ прсти на домашниот фудбалер и не му покажа јавна опомена. Се очекува ПСЖ денеска да излезе со соопштение до кога искусниот голман ќе мора да паузира.

Read More