Новиот менаџер на фудбалерите на Лидс, Хави Грација, не може да работи на тренинзите и да седи на клупата додека не добие работна дозвола. Шпанецот не може автоматски да добие работна виза. За да дојде до неа, треба да се свика посебен комитет кој ќе одлучи дали ќе му ја даде. По Брегзит, Грација не ги исполнува критериумите на ФА бидејќи од 2018 година помина само 27 месеци во првата лига. Лидс наредниот меч ќе го одигра в сабота против Саутемптон.
Author: dino
Капитенот на Порто, Пепе, вели дека неговиот тим не заслужи да загуби на вчерашниот меч со Интер на стартот на елиминациите во Лигата на фудбалските шампиони. Домаќинот славеше на „Џузепе Меаца“ со погодокот на Ромелу Лукаку во 86 минута откако Португалците остана со 10 фудбалери по исклучувањето на Отавио. „Честитки до тимот. Бевме храбри и имавме две чисти шанси да постигнеме гол. Интер имаше повеќе шанси само по црвениот картон“ – изјави дефанзивецот на Порто.
Менаџерот на Манчестер Сити, Пеп Гвардиола, се осврна на вчерашното реми кај Лајпциг 1:1 во првиот меч од 1/8 финалето во Лигата на фудбалските шампиони. „Некои мислеа дека ние ќе дојдеме тука и лесно ќе победиме со 4:0. Лајпциг е одличен, квалитетен тим. Ние одигравме четири мечеви за само десетина дена“ – потенцираше Пеп кој изненадувачки не направи ниту една замена на дуелот во Германија. Реваншот меѓу „граѓаните“ и германскиот состав ќе биде одигран на „Етихад“ на 14 март.
Селекторот на македонската кошаркарска репрезентација, Александар Јончевски, утринава го одреди тимот со кој ќе гостува кај Словачка (23 февруари) и Норвешка (26 февруари) во последните два меча од претквалификациите за ЕП 2025. Во селекцијата се: Лејсон Зеќири (Сигал Приштина), Кристијан Николов (Коњаспор), Андреј Магдевски (Донар), Дамјан Робев, Војдан Стојановски, Бојан Крстевски (МЗТ Скопје Аеродром), Адем Мекиќ (Темишвар), Ти-Џеј Шортс (Телеком Баскет Бон), Теодор Симиќ (Игокеа), Стојан Ѓуроски (Оренсе), Андреј Маслинко (Пелистер) и Страхил Николов (ТФТ). Македонија води во групата Д со четири победи и максимални осум бодови, Норвешка и Словачка имаат по шест а Данска е последна со четири…
Екипите на Ајнтрахт (Франкфурт) и Наполи вечер ќе се соочат во првиот 1/8-финален натпревар од Лигата на шампионите. Домаќините откако дебитираа во групната фаза веднаш си обезбедија место и во елиминациите. Тие во трите домашни натпревари имаа една победа, еден пораз и нерешен резултат. Наполи кој три пати е елиминиран во осминафиналето и тоа од Челзи во 2012, од Реал Мадрид во 2017 година и Барселона во 2020 година, сега се гледа како еден од фаворитите во сенка. Според досегашните мечеви, за тимот од Франкфурт во првата постава се очекуваат: Трап; Јакиќ, Н’Дика, Тута; Бута, Камада, Шо, Макс, Линдстром, Гетце…
Ливерпул доцна вечер ќе го пречека Реал Мадрид во првиот меч од елиминациската фаза во Лигата на шампионите. „Црвените“ и „белите“ последен пат се сретнаа во минатогодишното финале во Лигата на шампионите кога победија Шпанците со 1:0. Ливерпул е без триумф во последните шест натпревари со Реал додека „кралевите“ во претходните седум гостувања во Англија имаат само еден успех. Според официјалниот сајт на УЕФА за Ливерпул во првата постава треба да бидат: Алисон Бекер; Александар-Арнолд, Матип, Ван Дајк, Робертсон; Хендерсон, Фабињо, Бајчетиќ; Салах, Нуњез и Гакпо. За Реал Мадрид веројатно ќе истрчаат: Куртоа; Карвахал, Едер Милитао, Рудигер, Алаба; Модриќ, Себаљос,…
Ливерпул и Реал Мадрид доцна вечер од 21.00 часот ќе ги одмерат силите во првиот меч од осминафиналето во Лигата на фудбалските Шампиони. Тоа практично ќе биде реприза на минатогодишното финале кое сега ќе трае 180 минути. Тренерот на „кралевите“, Карло Анчелоти, знае дека ќе биде тешко да се елиминира англискиот гигант. „Имаме убави спомени од минатогодишното финале. Квалитетот на Ливерпул не е променет. Ништо нема да се реши на првиот меч“ – вели италијанскиот тренер на клупата на „белите“.
Тренерот на фудбалерите на Ливерпул, Јирген Клоп, имаше само пофални зборови за Реал Мадрид пред денешниот воведен меч во елиминациската фаза во Лигата на шампионите кој ќе биде одигран во Англија. „Реал ниту во една секунда не ја губи самодовербата и тоа треба да се научи од нив. Имаат феноменален тренер во Карло Анчелоти“ – вели Клоп. „Тука се Винициус, Бензема, Родриго, Модриќ, тоа се играчи од светска класа“ – потенцира германскиот тренер пред мечот на „Енфилд“ закажан во 21.00 часот.
Стефано Доменикали потенцира дека во Формула 1 никогаш нема да се користат електрични мотори. „Ф1 никогаш нема да се префрли на електрична енергија. Можете да се ослободите од емисиите и без да ги менувате моторите“ – изјави Доминикали. Ф1 планира од 2026 година да се користи така наречено – „зелено“ гориво.
Јанис Адетекумбо кој се повреди на мечот со Чикаго ќе мора да оди на дополнителни лекарски прегледи. Кошаркарот на Милвоки кој настапи само 20 секунди на „Ол-стар“ мечот изјави, дека имал желба да игра подолго но, болката во десниот зглоб била преголема. Тој во сезонава има одиграно 47 мечеви со просек од 31,8 кошеви, 12,2 скокови и 5,4 асистенции.
