Сериозните здравствени проблеми на Себастиен Халер ги принудија челниците на Борусија Дортмунд да бараат нов голгетер. Фудбалерот кој беше купен од Ајакс за 31 милион евра има тумор на тестисите и ќе мора да оди на хемотерапија. Прашање е дали воопшто и ќе се врати на фудбалските терени. Затоа „милионерите“ планираат да испратат понуда до Џовани Симеоне. 27-годишниот играч на Верона во изминатата сезона имаше 17 голови и пет асистенции во Серија А.
Author: dino
Напаѓачот на Барселона, Роберт Левандовски, деновиве ќе престојува во Минхен. Тој ќе ги искористи слободните денови до 3 август за да направи контакти со тренерот на Јулијан Нагелсман и спортскиот директор на Баерн, Хасан Салихамиџиќ. Полскиот интернационалец пред заминување на турнејата во САД, вети дека ќе се врати кај Баварците за да се збогува со соиграчите и целиот персонал.
Шпанските медиуми објавија дека Оскар Мингеса ќе ја напушти Барселона и за 2,5 милиони евра ќе се пресели во екипата на Селта Виго. Трансферот треба да биде потврден во текот на денов или в понеделник. Договорот на дефанзивецот ќе биде до 2026 година а Барса ќе добие процент од евентуалната негова наредна продажба. 23-годишниот Мингеса имаше понуди и од Турција.
Фудбалерот, Садио Мане имаше одлично деби за Баерн Минхен. Тој постигна гол против РБ Лајпциг и се израдува на првиот трофеј во сезоната по убедливата победа од 5:3 во Супер-купот на Германија. „Многу сум среќен што го постигнав првиот гол за Баерн. Тоа е мој сон. Очекувам уште трофеjи“ – вели Мане. „ Голема чест е да се игра во Баерн. Мора да бидеме уште подобри и да освоиме многу пехари“ – потенцираше Сенегалецот кој мечот го започна од првата минута.
Фудбалерите на Реал Мадрид во текот на ноќта го победија Јувентус со 2-0 на пријателски меч во Лос Анџелес. Тренерот на „кралевите“, Карло Анчелоти, изјави дека е задоволен од целата турнеја во САД. „Беше добра турнеја, сега се враќаме во Мадрид да се подготвиме за Супер-купот на Европа. Ќе мора да размислма околу стартниот состав, има време за корекции” – вели италијанскиот стручњак. Реал Мадрид ( освојувач на ЛШ) и Ајнтрахт Франкфурт (победник на Лига Европа), ќе се борат за пехарот на УЕФА на 10 август во Хелсинки.
Роберт Левендовски кој ја засили Барселона во текот на летово одигра три пријателски меча на турнејата во САД, но, не успеа да се запише во листата на стрелците. Таа ситуација ја искоментира тренерот на Каталонците, Чави. „Турнејата генерално беше позитивна. Се гледа дека Левандовски е разочаран но, тоа е нормално. Тој ќе започне да постигнува голови” – вели Чави Ернандез. Ќе потсетиме дека Левандовски во текот на летниов трансфер период се определи да го напушти Баерн Минхен само за да го облече дресот на шпанскиот гигант.
Mенаџерот на фудбалерите на Ливерпул, Јирген Клоп, јавно го пофали Дарвин Нуњез, кој вчера дебитираше со погодок на дуелот со Манчестер Сити во Комјунити Шилд. Уругваецот кој влезе во вториот дел, успеа да изнуди пенал и да постигне погодок. „Знам дека ќе се подобри како ќе одминува времето. Критиките се дел од фудбалот“ – изјави Клоп. „Тој заврши одлична работа. Сите знаеме што донесе неговото влегување на теренот“ – потенцираше Германецот.
Италијанскиот фудбалски состав Наполи останува крајно активен на трансфер пазарот. Досега е обезбеден голманот на Челзи, Кепа Аризабалага, кој пристигнува како позајмен за една сезона. Потоа, младиот играч на Сасуоло, Џакомо Распадори, кој ќе добие договор за пет години и плата од 2,5 милиони евра. Третиот играч кој е на мета на „наполитанците“ е Доминик Собозлаи, од Лајпциг. Неговата трансферна сума е околу 30 милиони евра.
Ерлинг Халанд вчера дебитираше во дресот на Манчестер Сити. Норвежанецот кој беше дел од екипата која загуби во Комјунити Шилд од Ливерпул со 3 спрема 1, имаше две-три големи промашувања. Тоа воопшто не влијае кај тренерот на „граѓаните“, Пеп Гвардиола, кој вели дека напаѓачот ќе ги покаже неговите квалитети. „Се бореше, добро се движеше, беше на позиции. Добро е за него да ја види реалноста во нова земја и во ново првенство“ – потенцираше шпанскиот тренер
Фудбалерите на Ливерпул по пауза од 16 години го освоија трофејот во Комјунити Шилд откако го победија денеска Манчестер Сити со 3-1 на стадионот Кинг Пауер во Лестер. Тоа е единствениот значаен пехар што го немаше тренерот, Јирген Клоп, откако седна на кормилото на тимот од „Енфилд“. Трент Александер-Арнолд го отвори резултатот во 21. минута а Алварез израмни во 70 –та. На седум минути до крајот Мохамед Салах погоди од белата точка а летното засилување, Дарвин Нуњез, дебитираше со гол во судиското надополнување. Кај „граѓаните“ првиот официјален меч го одигра Ерлинг Халанд кој промаши две големи шанси.
