Селекторот на Холандија, Роналд Куман, го нагласи значењето на капитенот Вирџил ван Дајк пред денешниот прв натпревар против Јапонија на Светското првенство. 63-годишникот рече дека секој селектор има желба неговиот капитен да биде клучна фигура на теренот и надвор од него. 34-годишниот Ван Дајк ќе започне како лидер во одбраната. „Кога е на теренот тој е одличен дефанзивец. Надвор од него е силна личност. Тој ја одржува атмосферата“ – рече Куман со напомена дека Ван Дајк веројатно го игра последно Светско првенство со оглед на неговата возраст.
Author: dino
Англиската фудбалска експедиција се соочи со непријатности поврзани со временските услови откако пристигнаа во Канзас Сити. Имено, Доцна вечерта илјадници луѓе во округот вклучувајќи ја и целата англиска делегација добија итно предупредување на телефоните за евакуација поради закана од торнада. Фудбалерите на „Гордиот Албион“ oстанаа затворени во хотелот додека силните ветрови и дождот направија прекини во снабдувањето со електрична енергија.
Селекторот на фудбалерите на Турција, Винченцо Монтела, се осврна на поразот од Австралија во воведниот меч за двете селекции на тековниот Мундијал. „Кенгурите“ победија со 2-0. „ Кога топката не влегува во голот работите не одат како што треба. Имавме 30 шутеви. Од тактичка гледна точка играта не помина како што сакавме“ – вели Монтела. „Противникот беше набиен во одбраната. Примивме два гола по контра-напади. Фудбалерите се подготвени за наредните предизвици“ – рече селекторот на Турција.
Фудбалерите на Бразил одиграа нерешено со Мароко 1-1 во првиот меч во групата „Ц“ на Мундијалот во САД, Мексико и Канада иако „кариоките“ беа фаворити на хартија. Нивниот селектор, Карло Анчелоти, направи проценка како се одвиваше мечот. „Имавме неколку проблеми, тимот не беше избалансиран, губевме многу топки и во тој сегмент мора да бидеме подобри. Во второто полувреме имавме проблеми со одбраната на Мароко“ – рече Анчелоти. Бразилците во втората рунда ќе излезат на мегдан со Хаити кој на стартот загуби минимално од Шкотска со 1-0.
Германската фудбалска репрезентација денеска ја очекува првиот меч на Светското првенство и тоа против дебитантот, Курасао. „Панцирите“ ќе истрчаат како огромни фаворити но селекторот, Јулијан Нагелсман, вели дека нема да го потценат противникот. „Тука сме за да бидеме состав кој е тешко да се победи. Сакаме да бидеме на врвот во нашата група“ – вели Нагелсман. Неговиот колега на клупата на Курасоа, легендарниот Дик Адвокат, изјави дека неговите избраници нема што да загубат и дека ќе се обидат на сите селекции во групата да им направат проблеми.
ФИФА ја потврди одлуката за жолтиот картон на парагвајскиот репрезентативец, Мигел Алмирон, на пресметката со САД. Тогаш судијата, Дени Макели првично му додели жолт картон на американскиот дефанзивец, Тим Рим, за прекршок врз Алмирон но, тој беше поништен од ВАР откако снимките покажаа дека Парагвајецот всушност симулирал. Тука беше искористена новата улога на видео-асистентите кои мора да имаат интервенции кај судиите за погрешно доделени жолти картони.
Марокот со ремито 1-1 против Бразил во првиот натпревар од Светското првенство го забележа 38-от последователен натпревар без пораз. Тоа е најдолга серија што ја има една репрезентација во историјата на фудбалот. Претходниот рекорд го држеше Италија која не загуби ниту еднаш од 2018 до 2021 година. Серијата на Мароканците започна во пролетта 2024 година. Во истата не се вклучени натпреварите во Африканското првенство на нации бидејќи таму играат фудбалери само од домашното првенство.
Кошаркарите на Њујорк по пауза од 53 години ја освоија шампионската титула во НБА- лигата откако во финалната серија го совлада Сан Антонио со 4-1. Во текот на ноќта Никси победија на гостински терен во Тексас со 94:90 и стигнаа до третата титула во историјата. Најзаслужен за тоа беше Џејлен Брансон кој постигна 45 поени и беше избран за МВП во финалето. Тој воедно го изедначи рекорд на Мајл Џордан од 1998 година. Двајцата се рекордери по бројот на постигнати поени на еден гостински меч во финалето во НБА-лигата.
Македонската Дејвис куп репрезентација избори промоција во Втората Светска група од Дејвис купот откако денеска во Кишињев во дуелот за третото место ја победи Црна Гора со 2-1. Решавачкиот поен македонските тенисери го освоија во играта на двојки каде Калин Ивановски и Олег Приходко ги победија Петар Јовановиќ и Алекса Кривокапиќ со 2-0 во сетови (76(4) и 62). Претходно во првиот сингл меч Ивановски го победи Срѓан Кнежевиќ со 2-0 во сетови (62 и 64), додека Олег Приходко загуби од Петар Јовановиќ со 2-0 (64 75). Во дуелот за првото место денеска Молдавија ја победи Летонија со 2:0, во мечевите…
Македонија ќе да биде домаќин на Европското првенство за ракометари до 18 години во 2028 година. Одлуката беше донесена на состанокот на ЕХФ во Келн, во рамки на финалниот викенд од сезоната. Шампионатот за мажи до 18 години ќе се игра во јули и август 2028 година, а организацијата и е доверена на Македонија. Во истиот пакет одлуки, ЕХФ и во 2028 година на Словенија. Ова е уште една важна потврда за довербата што европската куќа на ракометот ја има во организациските капацитети на Македонија, која и во минатото била домаќин на значајни меѓународни натпреварувања.
