Author: dino

Менаџерот на фудбалерите на  Манчестер Сити, Пеп Гвардиола, пред денешниот дуел во Лигата на Шампионите вели дека нема идеја како да ја запре ѕвездената напаѓачка тројка на ПСЖ. „Навистина не знам како да ги неутрализираме Меси, Мбапе и Нејмар. Мораме добро да се браниме и да се обидеме да направиме притисок“ – вели Шпанецот. „Не можев да замислам дека Меси ќе игра за друг состав освен за Барселона. Се надевам дека ќе биде спектакл и дека Меси ќе може да игра“ – вели Гвардиола.

Read More

Тренерот на фудбалерите на Милан, Стефано Пиоли, вели дека неговиот тим е подготвен за денешниот дуел со Атлетико Мадрид во рамките на второто коло во Лигата на шампионите. Пред средбата која ќе биде одиграна од 21.00 часот на теренот во Милано, домашниот стратег нагласи, дека се извлечени поуки од претходниот пораз на гостувањето кај Ливерпул. „По наши грешки примивме голови на Енфилд. Мораме да играме на многу високо ниво – едноставно и брзо“ – рече Пиоли.

Read More

Фудбалерот на Реал Мадрид, Брахим Диаз, кој игра како позајмен во екипата на Милан, изјави дека сака да остане во редовите на „росонерите“ со перманентен договор и дека нема желба да се врати во Шпанија. „Милан е одличен клуб,  ја чувствувам поврзаноста на фановите. Имав одлични моменти во претходната година“ – вели напаѓачот. „Таквата ситуацијата продолжува и сега. Навистина сум среќен тука и сакам да останам“ – рече Диаз.

Read More

Напаѓачот на Манчестер Јунајтед, Маркус Рашфорд , кој се опоравува од операцијата на рамото, објави на социјалните мрежи  дека наскоро може да му биде дозволено да започне со тренинзи. Фудбалерот во претходната сезона одигра 57 средби во сите конкуренции со ефект од 21 гол и 15 асистенции.  Англискиот клуб во изминатата сезона  стигна до финалето на Лига Европа. На крајот на јули беше објавено дека Англичанецот поради проблеми со рамото ќе пропушти околу три месеци од новата сезона.

Read More

Челниците на Тотенхем планираат да го ангажираат младиот фудбалер на Астон Вила, Оли Воткинс, доколку првата ѕвезда на тимот, Хари Кејн, се определи да си замине во текот на наредното лето. Воткинс пред сезоната се пресели од Бренфорд на „Астон Парк“  и веднаш ги покажа неговите одлични квалитети. Тој на 43 меча успеа да постигне 16 голови и за запише  5 асистенции. Се претпоставува дека Кејн ја реализира последната сезона кај „спарси“ и дека во 2022 година ќе замине во друг состав.

Read More

Напаѓачот на Манчестер Јунајтед, Маркус Рашфорд , кој се опоравува од операцијата на рамото, изјави дека наскоро може да му биде дозволено да започне со тренинзи. Фудбалерот во претходната сезона одигра 57 средби во сите конкуренции со ефект од 21 гол и 15 асистенции. Англискиот клуб во изминатата сезона  стигна до финалето на Лига Европа. На крајот на јули беше објавено дека Англичанецот поради проблеми со рамото ќе пропушти околу три месеци од новата сезона.

Read More

Фудбалерот на Рома, Николо Заниоло играше кој имаше непримерна гестикулација кон фановите на Лацио на неделното дерби во Серија „А“, веројатно ќе заработи казна од италијанската федерација, наведуваат медиумите во Италија. Тој во 77. минута додека заминуваше кон соблекувалната  се конфронтираше со навивачите на Лацио што беше видливо и на малите екрани. Се претпоставува дека играчот на „волчицата“ ќе добие забрана за настап на неколку мечеви или евентуално праична казна. Не се исклучува можноста и за двете варијанти.

Read More

Кошаркарите на МЗТ Скопје го освоија Супер-купот кој го носи името – „Драган Василов Цевка“ откако во интересен го совладаа составот на Работнички со 79 спрема 78. Во победничкиот состав најпрецизен беше  Мекиќ со 27 поени  додека Дамјан Стојановски реализираше 16-ет. Кај составот од Градски парк се издвоија Мустафица со 24 и Емерсон со 23 кошеви. Кај кошаркарките во Супер-купот, екипата на  Бадел го совлада Баскет Кам со 88 спрема 72.

Read More

Седумкратниот светски шампион во Формула 1, Луис Хамилтон, изјави дека неговиот главен ривал за титулата во тековнава сезона, Макс Верстапен од тимот на Ред Бул, е под голем притисок. Според Луис, Холанѓанецот е во позиција за првпат во кариерата да биде конкурентен за пехарот. „Се сеќавам како ми беше кога првпат влегов во таква битка. Беше тешко, бараше многу интензитет, доживеав многу различни емоции“ – вели Хамилтон. „Знам дека има големи очекувања и голема напнатост бидејќи желбата за победа е огромна. Го разбирам “ – рече 36-годишниот Британец. Пред неделната трка во Русија, Верстапен води со 5 бодови пред Хамилтон.

Read More

Екипата на Чикаго со 100 проценти вакцинирани хокеари ги започна активностите во тренинг кампот пред почетокот на возбудувањата во НХЛ. „Сезоната нема да биде лесна за тимовите кои имаат играчи без вакцини. Ситуацијата  покажува дека нашите играчи сакаат да го зачуваат нивното здравје” – изјави тренерот, Стен Боман. Според новите правила, за време на глобалната пандемија со „Ковид-19“, тимовите ќе можат да ги прекинат договорите со играчите кои не се вакцинирани. Во исто време НХЛ, објави, дека очекува најмалку 98 проценти од хокеарите во целата Лига да бидат вакцинирани до првиот сезонски натпревар.  

Read More