Author: saso

Италијанскиот гигант Милан работи на потпишување нов договор со дефанзивецот на данската репрезентација, Симон Кјаер. Според информациите на италијанските новинари, „росонерите“ начелно му понудиле одлуичен договор на Кјаер со важност до 2023 година. Според новинарот Николо Шира, клубот веќе започнал преговори со 32-годишниот играч на данската репрезентација и наскоро се очекуваат првите информации околу ставот на данскиот капитен, кој влезе во последната година од договорот со Милан.

Read More

Откако вчера загубија од Хрватска во квалификациите за СП 2022 со 3:0 во Сплит, Словенците ќе го менуваат селекторот. Според шпекулациите во тамошните медиуми, Матјаж Кек е пред смена. „Дали се плашам од смена? Се плашам само од болести. Вакви работи се случуваат во фудбалот, нема што да се крие”, изјави Кек, кој најави разговори со челниците на Фудбалската федерација на Словенија. По шест одиграни кола, Словенците имаат седум бода во Х групата, шест помалку од водечкиот тандем, Хрватска – Русија.

Read More

Селекторот на Романија, Мирел Радои, во пресрет на денешниот меч со нашата фудбалска репрезентација, вели дека Македонија е многу добра селекција, со одлични индивидуалци. „Македонија е многу добра во поседот, со доаѓањето на новиот селектор. Тие имаат индивидуалци како Елмас, Барди, но секој од нив се става во служба на тимот. Ќе ни биде многу потешко отколку во Букурешт, тие ќе бидат поопасни. Секој играч сака да докаже дека заслужува да биде стартер. Променија четири системи во последните шест натпревари, а утре можат да се појават и во систем 4-3-3“, рече Мирел Радои.

Read More

Ерлинг Халанд стана најбрзиот Норвежанец кој постигнал десет голови за репрезентацијата од 1948 година, а исто стана и најмладиот играч досега во Норвешка што ја достигнал оваа граница. Халанд имаше хет-трик за Норвешка во победата од 5-1 над Гибралтар во вторникот и со тоа ѕвездата на Борусија (Д) сега има дури 12 гола на 15 натпревари за својата репрезентација, што го прави единствениот Норвежанец што постигнал десет голови по толку малку одиграни средби во последните 73 години. Халанд со своите 21 година и 48 дена стана најмладиот играч што постигнал десет гола за репрезенацијата досега.

Read More

А-фудбалската репрезентација на Македонија, по ремито 2:2 кај Исланд, веќе утре ја очекува нов меч во квалификациите за СП 2022. На прес-конференцијата пред мечот со Романија, селекторот Милевски ги искажа своите очекувања од дуелот на Националната Арена во Скопје. „Утрешната средба има свое значење, но и останатите четири ќе бидат важни. Играчите не само што се мотивирани, туку веќе и го заборавија Исланд. Мислите, концентрацијата и мотивите ни се насочени на Романија. Не можам да не ги пофалам момците за покажаното на двата дуели досега. Иако одработивме само неколку тренинзи, тие бргу ја сфатија филозофијата и начинот на работа. Нема…

Read More

Македонската репрезентација до 21 година денеска (16:00 часот) на стадионот “Билјанини извори” во Охрид ќе одигра натпревар против соодветната селекција на Србија во рамки на квалификациите за пласман на ЕП 2023 во Романија и Грузија. Предводникот на нашата репрезентација, Драги Канатларовски вели дека е извлечена голема поука од натпреварот со Франција кој го загубивме со 3:0 во Ле Ман. „Максимално сме фокусирани на дуелот со Србија. Момците се подготвени, работевме напорно овие неколку денови во Охрид, со цел подобро да огиграме на овој меч со Србија. Извлековме голема поука од натпреварот со Франција. Нема да ги повториме истите грешки. Фудбалерите…

Read More

Претседателот на УЕФА, Александар Чеферин, уште еднаш ја критикуваше идејата за европска Супер лига. За време на Генералното собрание на Асоцијацијата на европски клубови во Женева, тој повика на обединување против плановите на отцепените Реал Мадрид, Барселона и Јувентус. Ова се трите клуба кои беа единствените што не ја напуштија Супер лигата откако проектот беше официјално објавен на 18 април. „Ништо нормално и очекувано не се случи во последните две години. Сакаме да се вратиме на нормалниот живот. За да го направите ова, ние мора да се обединиме против лицето на оваа срамна Супер лига. Не сакаме да го доживееме…

Read More

Најдобриот светски тенисер Новак Ѓоковиќ се пласираше во четвртфиналето на УС Опен, откако за два часа и 59 минути игра го совлада Џенсон Бруксби од САД со 1:6, 6:3, 6:2, 6:2. Ѓоковиќ во четвртфиналето ќе се сретне со Матео Беретини од Италија, кој го исфрли квалификантот Оскар Оте во четири сета. За Новак ова беше 79-тата победа во Њујорк, со што успеа да се израмни со легендарниот американски тенисер Андре Агаси. Младиот, 20-годишен Американец му пружи повеќе од достоен отпор на Србинот, а вториот сет беше еден од најдобрите на турнирот.

Read More

Спортскиот директор на Салернитана, Анџело Фабиани, ја коментираше веста за евентуалното потпишување со поранешниот дефанзивец на Арсенал, Давид Луис. „Со Рибери, нашиот преоден рок заврши. Направивме доволно. Рибери е нашиот последен фудбалер, а веќе потпишавме со неколку одлични играчи“, изјавил Фабијани. 34-годишниот Бразилец во моментов е слободен агент откако го напушти лондонски Арсенал.

Read More

Манчестер Јунајтед ќе го подели надоместокот за трансфер на Кристијано Роналдо од Јувентус на пет години, објави на Твитер новинарот Фабрицио Романо. Манчестер Јунајтед има обврска да му плати на Јувентус 15 милиони евра за да го ангажира Кристијано Роналдо, но во рок од пет години. Исплатата ќе биде поделена на пет транш, по 3 милиони евра секоја година до 2026 година. Вклучени се и бонуси од 8 милиони евра. Се очекува Португалецот да ги исполни барањата за бонус од 5 милиони евра, а условите за уште 3 милиони евра се малку потешко остварливи, смета Романо.

Read More