Осминафиналистот на последното СП во Русија, фудбалската репрезентација на Аргентина одигра само 0:0 на контролниот меч со Колумбија синоќа во САД. Големата ѕвезда на „гаучосите“, Лео Меси повторно не беше во составот на Аргентина, бидејќи си зеде одмор од репрезентативните настапи. Во негово отсуство нападот го поведоа Мауро Икарди, Максимилијан Меза и Гонзало Мартинез, додека Паоло Дибала беше на клупата.
Author: saso
Младата фудбалска репрезентација на Македонија за играчи до 21 година одигра само нерешено, 3:3 на дуелот со Ерменија во продолжението од квалификациите за ЕП. Иако на минута пред крајот водевме со 3:1, на крајот Ерменците успеаја да стигнат до реми постигнувајќи два гола за само 3 минути. Отворивме со одличен погодок на Јани Атанасов во 26. минута и на пауза заминавме со водство од 1:0. Следуваше пенал на стартот на вториот дел за гостите кои преку Аветисјан израмнија на 1:1, за ние повторно да поведеме, исто така од пенал, со голот на Здравковски во 73. минута. Кога се чинеше дека…
Фудбалската репрезентација на Чешка ќе има нов селектор. Досегашниот предводник на националниот тим, Карел Јаролим беше ослободен од функцијата по вчерашната катастрофа на тест-дуелот со Русија од 5:1. За Чесите тоа беше втор пораз во рок од само неколку дена откако претходно загубија од Украина дома во првото коло од Лигата на нации на УЕФА. Од Фудбалската федерација на Чешка соопштија дека го прекинуваат договорот на Јаролим, кој го презеде тимот во 2016-та година, но не успеа да го однесе на Светското првенство во Русија ова лето. 62-годишниот стретег оствари само 10 победи во 22 натпревари на чело на Чешка.…
Претседателот на Европската клупска асоцијација, Андреа Ањели потврди дека Европската фудбалска асоцијација, УЕФА, дозволила формирање и на трето европско натпреварување. Станува збор за нов формат кој официјално ќе дебитира во сезоната 2021/22. Форматот на новото УЕФА натпреварување во моментов е непознат, но се очекува во него да учествуваат 96 екипи и да биде сличен со поранешното издание на Купот на победниците на куповите, кој последен пат се одржа во сезоната 1998/99
Пилотот на Заубер, Чарлс Леклер, кој ќе вози за Ферари следната сезона, ќе биде најмлад пилот кој се појавил во болид на италијанскиот тим од 1961 година. Рекордот се уште го држи мексиканскиот пилот Рикардо Родригез, која првпат седна зад воланот на Ферари во 1961 година на возраст од 19 години и 208 дена. Покрај тоа, Леклер ќе биде и најмалку искусниот пилот на „Скудерија“ од деновите на Жил Вилнев, кој се пресели на Маранело по една Гран При трка во неговата кариера. За трансферот на Леклер во Ферари стана јасно денеска, откако и Кими Раиконен го објави заминувањето во…
Иако со денови се зборува дека постои пречка за постигнување на нов договор, по се изгледа Интер и Мауро Икарди се договориле за продолжување на соработката. Според весникот „Газета дело Спорт“ двете страни се договориле да потпишат нов договор со траење до 2023 година. Платата на капитенот на “нероазурите” ќе скокне на 6 милиони евра, а клаузулата за предвремен раскин на договорот од 110 милиони евра ќе биде укината. Засега се уште не се дефинирани бонусите на Икарди. Откако и тоа ќе се комплетира, двете страни ќе стават параф на новата соработка.
Денеска во Ѓорче Петров под покровителство на Општината, а во организација на фудбалскиот тим Волково, започна традиционалниот турнир во мал фудбал -“Ге -Ге Куп 2018” на кој учествуваат повеќе од 30 екипи. Турнирот за отворен го прогласи Градоначалникот на Општина Ѓорче Петров, Александар Наумоски. Медиумски покровител на турнирот е Спортско радио 90,3 ФМ. „Тоа што го ветив и го направив, по извесен период го вративме турнирот на локацијата на која започна во 2001 година. Морам да го искажам задоволство што годинава има навистина голем број на пријавени екипи, јас како градоначалник морам да нагласам дека Оштината секогаш ќе застане на…
Ричард Хендрикс сепак ќе игра за Македонија во престојните две квалифиакциски средби против Косово и Романија. Американецот со македонски пасош веќе е во Скопје, а за тоа стигна потврда и од МКФ. Тој ќе биде од голема помош во обидот да дојдеме до две победи во дуелите со Косово (13. септември) и Романија (16. септември). Хендрикс веднаш ќе му се приклучи на селекторот Давитков кој веќе извесен работи со нашиот национален тим во Скопје.
Светската асоцијација на професионални фудбалери (ФИФПро) ги објави номинираните играчи за идеалниот тим на сезоната 2017/18. На листата се вклучени 55 играчи, меѓу кои 5 голмани, 20 дефанзивци, 15 играчи од средниот ред и 15 напаѓачи. Втора година по ред европскиот клупски шампион Реал Мадрид има најмногу претставници дури 11. Финалистот во Лигата на шампионите, Ливерпул е со 4 играчи меѓу номинираните. Голмани: Џанлуиџи Буфон, Тибо Куртуа, Давид Де Геа, Кејлор Навас, Марк-Андре Тер Штеген Одбрана: Жорди Алба, Дани Карвахал, Џорџо Киелини, Дани Алвеш, Диего Годин, Матс Хумелс, Џошуа Кимих, Дејан Ловрен, Марсело, Џери Мина, Бенжамин Павар, Жерард Пике, Серхио…
Светската антидопинг агенција (ВАДА) ги потврди информациите дека шпанската агенција за антидопинг го испитува играчот од средниот ред на Валенсија и руски репрезентативец Денис Черишев. „Овој случај во моментов се води од страна на шпанската Антидопинг агенција, која ќе ја информира ВАДА за резултатите”, изјави прес-службата на ВАДА. Минатата недела, британски Телеграф објави дека анти-допинг агенцијата на Шпанија спроведува истрага против Денис Черишев во врска со јавна изјава на неговиот татко, Дмитриј, дека фудбалерот некое време добивал хормон за растење за да се забрза процесот на заздравување. Претходно, Дмитриј Черишев ги негираше неговите зборови.