Бразилскиот напаѓач Вагнер Лав е нов фудбалер на Каират од Казахстан. Бразилецот беше слободен агент, па реши да замине во нов предизвик, секако и за добра плата во казахстанскиот шампионат. Пред неколку недели, 35-годишниот напаѓач го раскина договорот со бразилски Коринтијанс и имаше информации за негово евентуално враќање во ЦСКА Москва, но до трансфер не дојде. За време на својата кариера, Вагнер Лав играше за Палмеирас, ЦСКА, Фламенго, Шандонг, Коринтијанс, Монако, Аланиаспор и Бешикташ.
Author: saso
Крилниот напаѓач на Наполи, Хозе Каљехон, најверојатно ќе се врати во Шпанија следната сезона. Договорот на 33-годишниот стрелец со наполитанците истекува, а два клуба од Ла Лига, Бетис и Гранада, покажуваат интерес за него. Агентот на играчот, Мануел Гарсија Кион, навести разделба со Наполи истакнувајќи дека долго време немаат слушнато никаква понуда од Наполи, но во истовреме разговараат со два заинтересирани клуба од Ла Лига. Во моментов Гранада е поблиску до потписот на Каљехон, но преговорите не се завршени.
Жељко Обрадовиќ и Фенербахче ја прекинаа соработката. Двете страни долго време беа во преговори, и на крајот се договорија да се разделат. Србинот седум години беше дел од истанбулскиот тим, и освои се што можеше да се освои. Во последните седум години, Обрадовиќ освои и четири шампионски титули со екипата и една европска титула.
Новак Ѓоковиќ призна дека погрешиле со проценката и прерано ги организирале турнирите Адриа Тур, и ги повика сите оние кои биле инволвирани да се тестираат и да применуваат социјална дистанца. „Верувавме дека турнирите ги почитуваат сите здравствени протоколи и дека здравствената ситуација во нашиот регион е добра за конечно луѓето да се обединат. Но погрешивме, беше прерано за такво нешто. Не можам да ви опишам колку ми е жал што вака заврши. Ако бевте дел од од „Адрија тур“ или пак бевте во близина на учесниците, ве молам тестирајте се и држете социјална дистанца. За оние во Задар и Белград,…
Динамо Загреб испиша нова страница од историјата на хрватскиот фудбал, откако од синоќа и официјално е старо-нов шампион. На неколку кола до крајот на сезоната, „модрите“ имаат голема предност пред конкурентите и по 15-ти пат стигнаа до шампионскиот наслов. Македонскиот репрезентативец Аријан Адеми стана најтрофејниот играч во историјата на клубот со 9 шампионски титули. Покрај тоа, тој во сите овие години во дресот на клубот освои и 5 купа и 3 суперкупа или вкупно 17 трофеи во дресот на најславниот хрватски клуб.
Дефанзивецот на Наполи, Хисај, сака да го напушти тимот во летниот преоден рок. Според италијанските портали, 26-годишниот фудбалер поднел барање за трансфер до управата на клубот. Албанецот не е задоволен од својата позиција во тимот, бидејќи го загуби местото во почетниот состав и не е фаворит во конкуренција на Ди Лоренцо. Тој дојде во Наполи во 2015 година од Емполи за 5 милиони евра. Оваа сезона Хисај има 13 натпревари во италијанската Серија А.
Уште тројца новозаболени од корона вирус меѓу учесниците на вториот турнир од серијата „Адриа Тур“. Како што утрово објавија регионалните медиуми, по направените тестирања констатирано е дека уште еден тенисер и двајца тренери се позитивни на КОВИД-19. Утрово, ХРТ објави дека уште тројца тенисери се позитивни за коронавирусот, а Н1 откри дека еден од нив е најдобро рангираниот хрватски тенисер Борна Чориќ. Исто така се наведува дека еден од новозаразените е и кондицискиот тренер на Григор Димитров. „Од 23 тестирани тенисери уште еден е позитивен, како и двајца тренери“, велат хрватските здравствени власти по вчерашните тестови кои веднаш беа направени…
КК Академија ФМП под водство на новиот тренер Александар Петровиќ засилено го подготвува тимот за следната натпреварувачка сезона. Синоќа од клубот потврдија дека по ангажманот на Теодор Атанасов и Славчо Темелковски, ФМП го задржува и најдобриот стрелец од минатата сезона Рони Харис. Американецот имаше просек од 17 поени по натпревар, 4.3 скока и 4.6 асистенции, а тоа беше одлична препорака да остане во прволигашот од Кисела Вода.
Ливерпул му понудил на Наполи сума од 60 милиони евра за дефанзивецот Калиду Кулибали, но ова не е доволно за Наполи да му дозволи да си замине. Како што пишува „Кориере дело Спорт“, барањата на неаполитанците и натаму се за сума од 100 милиони евра, доколку некој сака да го купи нивниот одбрандбен фудбалер. Во исто време беше објавено дека Наполи нема да прави отстапки во преговорите за продажба на Кулибали, дури и покрај падот на вредноста на играчите ширум светот поради пандемијата на коронавирус.
Лука Јовиќ не е единствениот Србин кој е пред преселба во Милан, пишуваат италијанските медиуми. Доаѓањето на Јовиќ во Милано е сè поизвесно, а сега постои можност уште еден Србин да дојде со него во Сан Сиро. Станува збор за Никола Миленковиќ, младиот дефанзивец кој не го продолжи договорот со Фиорентина. Дел од договорот меѓу Милан и Фиорентина за него би можел да биде Лукас Пакета, бидејќи тој веќе некое време не успева да се снајде во новата средина во Милано.
